ಭಾಷಾ ಪಾಠಗಳ ಮುಖ್ಯ ಉದ್ದೇಶ ಭಾಷೆ ಕಲಿಯುವುದು. ಹೀಗಾಗಿ ನಾವು ಭಾಷಾ ಪಾಠಗಳಲ್ಲಿ ಭಾಷಾ ಚಟುವಟಿಕೆಗಳು,ಭಾಷಾಭ್ಯಾಸ ಚಟುವಟಿಕೆಗಳು ಮತ್ತು ವ್ಯಾಕರಣಾಂಶಗಳಿಗೆ ಒತ್ತು ನೀಡುತ್ತೇವೆ. ಭಾಷೆ ಕಲಿಯುವುದರ ಜೊತೆಗೆ ಅಂದವಾಗಿ ಬರೆಯುವ ಮೂಲ ಕೌಶಲವನ್ನು ತಾವೆಲ್ಲರೂ ರೂಢಿಸಿಕೊಳ್ಳಬೇಕು. ಕೇವಲ ಅಂದವಾದ ಬರೆವಣಿಗೆ ಸಾಲದು, ಅಕ್ಷರಗಳನ್ನು ತಪ್ಪಿಲ್ಲದೇ ಬರೆಯಬೇಕು. ಇದು ನಮ್ಮ ಭಾಷಾ ತರಗತಿಯ ಮೂಲ ಉದ್ದೇಶ. ಬನ್ನಿ ಭಾಷೆಯನ್ನು ನಿರರ್ಗಳವಾಗಿ ಬಳಸುವುದನ್ನು ಕಲಿಯೋಣ.